当前位置: 主页 > C会生活 >为配件买机值唔值?moto Z模组蛇叔试后报告 >

为配件买机值唔值?moto Z模组蛇叔试后报告

作者: 分类: C会生活 发布于:2020-06-15 浏览(759)


为配件买机值唔值?moto Z模组蛇叔试后报告

近年旗舰机净係识斗规格同相机,想有啲新意?之前moto就推出moto Z同一系列模组配件,当中包括比较出名嘅Hasselblad True Zoom相机模组,究竟值唔值得为玩模组买部机嚟用?想知就睇下我呢份试后报告喇!

又模组?同LG G5有咩分别?
moto Z同LG G5虽然都係模组设计,但两者概念并唔一样。第一点,moto Z装拆配件係唔使熄机,只需透过磁石即装即用(Hotplug),第二点係配件作用在于将新功能带到手机,例如外置喇叭或变焦相机,而唔似G5咁加强现存功能(手柄)或升级内部功能(DAC),因此我认为moto Z实际上更贴近「模组」个名。

为配件买机值唔值?moto Z模组蛇叔试后报告

有咩模组可以拣?
moto Z暂时提供嘅模组配件包括哈苏相机(Hasselblad True Zoom)、JBL SoundBoost喇叭、Incipio offGRID电池壳同埋Insta-Share投影机,数目比LG G5嘅多,不过价钱就相对昂贵,由$899到$3399不等,定价几乎係半部机有多。

JBL SoundBoost 音响模组:$999
Hasselblad True Zoom 摄影模组:$3,399
Incipio offGRID 供电模组:$899
Insta-Share投影模组:$2,599

为配件买机值唔值?moto Z模组蛇叔试后报告

JBL SoundBoost喇叭好唔好声?
讲真喇叭冇牌子都唔係几想拎出黎见人,好彩moto拣咗JBL合作,即使外观唔算好靓好特别,但起码有条JBL橙边见吓人。最贴心係佢可以做埋支架,听歌睇片都用得着。音质方面,佢能够输出立体声,音量足以覆盖100呎房间,重低音较强人声较细,而且由于背部发声,放喺墙前或硬地效果更好。缺点係校到最大会拆声,建议较细两格就啱啱好!

为配件买机值唔值?moto Z模组蛇叔试后报告

为配件买机值唔值?moto Z模组蛇叔试后报告
◆ 喇叭本身都要叉电,背部设USB-C介面。为配件买机值唔值?moto Z模组蛇叔试后报告
◆ 支架设计非常贴心。

Hasselblad True Zoom相机值唔值?
相机配件几乎係我留意moto Z嘅唯一理由,事关我想搵部机取替部K-Zoom,不过玩咗一阵之后,感觉佢吸引唔到我换机,主要原因有两点。首先对焦都几慢,讲紧嘅唔係同S7 Edge Dual Pixel比较,而係连两年前嘅K-Zoom都不如。尤其Zoom到尽时,反应慢到近乎冇可能影雀仔,仲有少许「夜盲」情况。其次係质素,自问对呢类手机评分準则比较宽鬆,但佢细节同杂讯两边表现一样唔讨好,日景ISO 100已经见到轻微杂讯,夜景就细节流失。除此之外,佢同Zenfone Zoom推出之初犯上相同错误:手动模式冇快门或测光数值显示,操作难以媲美半专业相机。

为配件买机值唔值?moto Z模组蛇叔试后报告

为配件买机值唔值?moto Z模组蛇叔试后报告
◆ 提供手动模式,可调整ISO、快门及EV值。为配件买机值唔值?moto Z模组蛇叔试后报告
◆ 模组镜头为1,200万像素,可拍摄1080p 30p影片。为配件买机值唔值?moto Z模组蛇叔试后报告
◆ 原身相机:相片较光,建筑物线条算Sharp,杂讯亦唔明显。(ISO500, F1.8, 1/10s 对焦建筑物)为配件买机值唔值?moto Z模组蛇叔试后报告
◆ Hasselblad模组:相片略暗,层次感较强,但杂讯明显,而且线条唔太Sharp。(ISO800, F3.5, 1/15s 对焦建筑物)

为配件买机值唔值?moto Z模组蛇叔试后报告
◆ (ISO400, F6.5, 1/400s )为配件买机值唔值?moto Z模组蛇叔试后报告
◆ (ISO100, F6.5, 1/800s )为配件买机值唔值?moto Z模组蛇叔试后报告
◆ (ISO900, F3.5, 1/8s )为配件买机值唔值?moto Z模组蛇叔试后报告
◆ (ISO100, F3.5, 1s 脚架慢快门 )为配件买机值唔值?moto Z模组蛇叔试后报告
◆ (ISO1100, F3.5, 1/8s, 夜景手持 )为配件买机值唔值?moto Z模组蛇叔试后报告
◆ (ISO100, F3.5, 1s, 脚架慢快门 )为配件买机值唔值?moto Z模组蛇叔试后报告
◆ (ISO100, F3.5, 1/1250s )为配件买机值唔值?moto Z模组蛇叔试后报告
◆ (ISO100, F3.5, 1/640s )为配件买机值唔值?moto Z模组蛇叔试后报告
◆ (ISO220, F3.5, 1/30s )

Incipio offGRID电池壳有冇用?
四个模组之中,Incipio offGRID电池壳係功能最弱嘅一个,虽然论体积佢只係原装背壳厚一倍,并且提供额外2,200mAh电池,但可惜moto z本身续航力唔算太差,2,200mAh电量令佢两头唔到岸。而且定价$899欠缺竞争力,如果真係为打机或者需要经常叉电,应该宁愿拣「尿袋」啰。

为配件买机值唔值?moto Z模组蛇叔试后报告

用紧模组强行拆开会点?
唔好以为我纯粹搞笑,因为呢个世界真係好多工程师冇用个脑去设计产品,完全无谂过应急方案。我分别尝试喺使用期间拆走Hasselblad相机同JBL喇叭模组,前者系统会弹番去主页,模组镜头冇缩返埋,重新安装就正常运作;后者会即时切换至内置喇叭,app同系统都冇任何异常。由此可见moto模组除咗硬件,软件都有落功夫。

为配件买机值唔值?moto Z模组蛇叔试后报告

用模组会唔会影响NFC运作?
之前唔少人都担心moto Z用磁力安装模组会影响NFC正常运作,我试齐三个模组,NFC完全冇发生问题。因为NFC位置靠顶,而磁石接点喺底,两个离开一大段距离,所以大家可以放心装上模组。

为配件买机值唔值?moto Z模组蛇叔试后报告

【总结】蛇叔:模组概念好 但呢刻唔会因模组买机

试完moto Z同几款模组后,个人认为moto模组做得比LG好,可惜每件功能同质素参差。除咗JBL SoundBoost喇叭值得入手,其他配件包括Incipio offGRID电池壳、Hasselblad True Zoom相机同Insta-Share投影机(发布当日现场试过),我都觉得买唔落手。或者你会问:咁部moto Z呢?讲真moto Z係唔差,但亦谈唔上特别好,始终冇3.5mm同偏贵係致命伤,我自己锺意部moto Z Play多点。如果唔係对模组好有兴趣根本唔会考虑,再者单係买机同Hasselblad相机模组,埋单已经八千银,为方便值唔值就留俾你自己衡量。

为配件买机值唔值?moto Z模组蛇叔试后报告

蛇叔
现职香港高登记者,负责试用手机、电脑类及其他数码产品。逢星期五晚仲会主持「蛇叔直播室」节目同大家分享产品意见。

查询: Distribution One (电话: 8118 1888)